Размер шрифта: A A A
Цвет сайта: A A A A

Hurmatli ATB “Kapitalbank” mijozlari!

Majburiy o’z-o’zini izolyatsiya qilish holatini inobatga olib, daromadning pasayishi sharoitida oilaviy daromadni taqsimlash qiyinligini tushungan holda, bank oldida kredit majburiyatlari bo’lgan, ammo hozirgi vaqtda barqaror daromad manbaisiz qolgan jismoniy shaxslarni qo’llab-quvvatlashga qaror qildik.

ATB “Kapitalbank” jismoniy shaxslar uchun 2020 yil 1 sentyabrgacha kreditning asosiy qarzi to’loviga kredit ta’tillari e’lon qiladi (2020 yil 15 martgacha rasmiylashtirilgan kreditlar uchun).

Kredit ta’tillari 1 aprel 2020 yil xolatiga muddati o’tgan qarzga ega bo’lmagan va garov ta’minoti va sug’urta polisiga murojaat qilish uchun muddati o’tgan majburiyatga ega bo’lmagan shaxslarga beriladi.

Kredit ta’tili davomida kreditning asosiy qarziga nisbatan har oy shartnomada belgilangan muddatda to'lanadigan foizlar xisoblanishi to’xtatilmaydi. Kredit ta’tili vaqtida qarzdorlar foizlarni to’lashdan ozod etilmaydi.

Agar siz ilgari tasdiqlangan jadvalga muvofiq kreditlarni to'lashni davom ettirishni istasangiz, bank bunga qarshilik qilmaydi. Pandemiya davrida qarz oluvchi hisoblangan foizdan ortiqcha to'lovlarni amalga oshirsa, kirim qilingan mablag'lar asosiy qarzni so’ndirish uchun sarflanadi va shu bilan shartnomada belgilangan muddat ichida kreditni (mikroqarz) qaytaradi.

Ushbu davr ichida foizlar o‘z vaqtida to‘lanmagani uchun jarima va penyalar hisoblanmaydi. Shu bilan birga, kredit ta'tilidan foydalanishni istagan har bir kishi, 2020 yil 30 sentyabrgacha asosiy qarz bo'yicha to'lovlarni kechiktirish uchun ariza berishi va kredit shartnomaga kiritilgan o’zgartirishlar to’grisida tegishli xujjatlarni imzolashi lozim.

Agar Qarz oluvchi kredit ta'tillarini taqdim etish to'g'risidagi hujjatlarga imzo qo’ymasa yoki imzo qo’yishdan bosh tortsa, shartnomalarga asosiy qarz va foizlarni to'lashning amaldagi shartlari qo'llaniladi.

«Kapitalbank» kredit bo'yicha arizalarni yanada tezroq ko'rib chiqadi

«Kapitalbank» qarz oluvchining tahlilini "skoring" tizimi va "anderrayting"ini ishlab chiqdi va ishga tushirdi. Aytilishi qiyin, lekin barchasi juda oddiy.

Skoring - asosida statistika usullari yotuvchi, mijozlarning to'lovga qodirligini baholash tizimi. Odatda, bu potensial qarz oluvchining ma'lumotlari kiritiladigan kompyuter dasturi. Dastur vijdonli qarz oluvchilarga "ballar" berib, ularning reytingini ko'taradi va qarzdorlarga shunday "ball"ga jarima soladi. "Skoring" nomi inglizcha score, ya'ni "hisob" so'zidan olingan.

Skoring modeli mijoz haqida ma'lumotni bir onda olish imkonini beradi (faqat uning roziligi bilan). Mijozning reytingidan kelib chiqib, bank kredit berish haqida qaror chiqaradi.

"anderraytinga" keladigan bo'lsak - kredit xavflarining baholanishi, u ham kredit berish qaroriga ta'sir qiladi.

Bir qarashda bunday begona tushunchalar ostida mijozlar uchun jiddiy qulayliklar yashirin.

Hozir "skoring" va "anderrayting" yordamida bajarilayotgan ishlar avvallari qo'lda qilingan va shuning uchun ko'p vaqt talab qilgan. Mijozlarning anketalari bir necha kunlab tekshirilishi mumkin edi, endi esa kredit berilishi yoki rad etilishi to'g'risidagi qaror ma'lumotlar avtomat tarzda qayta ishlangandan so'ng 5-10 daqiqa ichida qabul qilinadi.

Skorring inson omilini to'liq istisno qiladi. Jarayonlar haqqoniy va adolatli. Hech qanday "shaxsiy" munosabatlar dasturning qaroriga ta'sir qila olmaydi.

Jarayonlar batafsil ma'lumotlarni to'playdi va ularni diqqat bilan tuzib chiqadi - bu kreditga qodir mijozlarga qiziq takliflar berish imkonini beradi.

"Kapitalbank" mijozlariga imkoni bo'lgan eng yaxshi xizmatni ta'minlash uchun eng so'ngi texnologiya va tizimlarni joriy qilmoqda. Yangiliklarni kuzatib boring va "Kapitalbank" bilan bank sohasidagi innovatsiyalar haqida bilib boring.


Belgilangan matnni tinglash uchun quyidagi tugmani bosing Powered by GSpeech