SMS xabarnoma

VISA va Mastercard plastik kartalari uchun SMS-xabarnoma xizmati

"Kapitalbank" ATB o‘z mijozlari - Visa va Mastercard karta egalariga bepul asosda amalga oshiriladigan yangi "SMS-xabarnoma" xizmatidan foydalanishni taklif etmoqda.

Ushbu xizmat mijozni plastik karta bo‘yicha amalga oshirilayotgan operatsiyalar to‘g‘risida real vaqt rejimida xabardor qilish imkonini beradi. Bundan tashqari, SMS-so‘rov orqali karta balansi, so‘nggi operatsiyalar ro‘yxati va ro‘yxatdan o‘tkazilgan kartalar haqida ma’lumot olish mumkin. Zarurat bo‘lganda, mijoz tegishli SMS-so‘rov yuborish orqali kartani bloklash yoki blokdan chiqarish imkoniyatiga ega bo‘ladi.

Xizmat ko‘rsatish shakli:

Xizmatni yoqish/o‘chirish uchun bankka ariza berishingiz lozim.

Barcha ma’lumotlar arizada ko‘rsatilgan telefon raqamiga kelib tushadi.

UZCARD plastik kartalari uchun SMS-xabarnoma xizmati

• karta hisobingiz holatini real vaqt rejimida nazorat qilib turish;
• hisob bo‘yicha siz ruxsat bermagan operatsiya amalga oshirilayotgan bo‘lsa, tezkor choralar ko‘rish;
• karta muddati tugaganligi haqida xabarnoma olish;
• kartaning bloklanganligi/blokdan chiqarilganligi haqida xabarnoma olish.

SMS xabarnoma xizmatini NCR 6623/27 AKB "Kapitalbank" bankomatlarida yoqish uchun quyidagi harakatlarni bajaring:

1. Kartani bankomatga joylashtiring
2. Interfeys tilini tanlang va karta PIN-kodini kiriting.
3. "SMS xabarnoma" xizmatini tanlang.
   • "Yoqish" tugmasini bosing va telefon raqamingizni 998912345678 formatida kiriting (Agar karta yangi bo‘lsa va xizmat avval ulanmagan bo‘lsa)
   • "O‘chirish" tugmasini bosing, operatsiya muvaffaqiyatli bajarilgani haqidagi chekni oling, so‘ngra "Yoqish" tugmasini yana bosib, telefon raqamingizni 998912345678 formatida kiriting (Agar avval boshqa telefon raqami ulangan bo‘lsa).

Xizmatga ulanish bo`yicha izoh:

Elektron tijorat xizmatlaridan foydalanish, jumladan to‘lov vositalari va/yoki masofaviy bank xizmati orqali to‘lovlarni amalga oshirish imkoniyatini ta’minlash uchun SMS-xabarnoma xizmatiga ulanish lozim. Xizmat plastik kartani emissiya qilgan (chiqargan) har qanday bankda bepul ravishda, shuningdek bankomatda ham yoqiladi.

Quyidagi holatlarda SMS-xabarnoma xizmatini yoqib bo‘lmaydi:

1. SMS-xabarnoma xizmati kartangizga allaqachon ulangan bo‘lsa.
2. Kartani chiqargan bankda SMS-xabarnoma xizmati mavjud bo‘lmasa.

SMS-xabarnoma xizmati uchun raqamni qanday o‘zgartirish mumkin:

SMS-xabarnoma xizmati uchun raqamni istalgan bankomatda yoki bankda bepul o‘zgartirish mumkin:

1. Eski raqamdan SMS-xabarnoma xizmatini o‘chiring - bu jarayon xizmatni yoqish kabi tartibda bajariladi.
2. Yangi raqamga SMS-xabarnoma xizmatini ulang.

Barcha kartalardan SMS-xabarnoma xizmati o‘chirilganida, abonent bu xizmat muvaffaqiyatli o‘chirilganligi haqida xabarnoma olmaydi!