Visa Classic

Kartalar

Karta turi: Debet kartasi

Chiqarish: 25 000 UZS

Chiqarish vaqti: 3 kungacha

“Kapitalbank” ATB kassasida naqd pul yechib olish: 0%

O‘zbekiston Respublikasidan tashqarida naqd pul yechib olish: 3% + ekvair bank tari

Tovarlar va xizmatlar to'lovi: 0%

Kartaga xizmat ko’rsatish: Bepul

Oxirgi tahrirlangan sana: 07.10.2024

Visa Classic - ushbu karta Visa logotipi mavjud bo’lgan deyarli barcha nuqtalarda to’lov uchun qabul qilinadi. U elektron hamda mexanik to’lov terminallarida, bankomatlarda ishlatilishi mumkin, shuningdek Internet yoki telefon orqali to’lov uchun qabul qilinadi. Ushbu karta bank kartalaridan foydalanish tajribasiga ega bo’lganlar uchun mo’ljallangan. Bu o’rtacha daromad oluvchi iste’molchilar orasida mashhurdir, chunki u qulaylik, tanlov va moliyaviy moslashuvchanlikni kafolatlaydi. Karta yordamida "bron qilish operatsiyalari" deb nomlangan amallarni bajarish, masalan, mehmonxonalarda xonalarni, aviachiptalarni va boshqa tovarlarni bron qilish mumkin. Buning uchun mijoz odatda o’z kartasining rekvizitlarini tovar yoki xizmat sotuvchisiga aytadi, mijoz mahsulotni olgandan yoki xizmatdan foydalangandan so’ng esa, sotuvchi uning karta hisobvarag’idan tegishli summani yechib oladi. Internet orqali xaridlar uchun to’lov ham taxminan shunday amalga oshiriladi. Internet to’lovlar uchun kartada kartaning orqa tomonida ko’rsatilgan va uchta raqamdan iborat maxsus xizmat kodi mavjud. Biroq, ehtiyot bo’lish va karta rekvizitlarini insofsiz savdogarlarning qo’liga berib qo’ymaslik kerak.

Bugungi kunda plastik karta - bu qulay va yuqori texnologiyali axborot tashish vositasidir. Zamonaviy dunyoda plastik kartalar deyarli hamma joyda ishlatila boshlandi. Xarid vaqtida sizga kerakli summani o’zi beradigan hamyonni tasavvur qiling, Sizdan boshqa hech kim undan foydalana olmaydi... va eng muhimi, hamyoningizni yo’qotganingizda bu juda asqotadi. Sizning pullaringiz o’zingiz bilan qoladi. Bunday bo’lishi mumkin emas, deb o’ylaysizmi? Biz boshqacha fikrdamiz. "Kapitalbank" ATB Sizga qulay va xavfsiz yechim – plastik kartalarni taklif qiladi.

"Kapitalbank" ATB Sizga Visa kartalari va ulardan kundalik foydalanishga doir foydali ma’lumotlar bilan tanishishni taklif qiladi

“Kapitalbank” aksiyadorlik-tijorat bankining Yagona filialida jismoniy shaxslarga kompleks bank xizmatlarini ko‘rsatish QOIDALARI

Hajmi: 1.90 МБ

Format: pdf

	Bank xizmati/ xizmat ko‘rsatish sharti	Mijozga Bank tomonidan bajarilgan operatsiya uchun undiriladigan Bankning komission mukofotlash stavkasi	Izoh
a)	Asosiy kartani chiqarish	25 000so’m 2 USD* 2 EUR*	Bundan mustasno: Amal qilish muddati tugagan Visa Electron kartalari o'rniga Visa Classic kartalarini berish
b)	Qo‘shimcha kartani chiqarish	25 000so’m 2 USD* 2 EUR*	Qo‘shimcha karta sifatida faqat Visa Classic kartasi bo‘lishi mumkin Bundan mustasno: “Kapital Premium”, “Kapital Privilege” paketi doirasida komissiya olinmaydi
c)	Kartaning amal qilish muddati	5 yil
d)	Asosiy yoki qo‘shimcha kartani chiqarishga buyurtma olish uchun kartani chiqarish muddati	3 ish kunidan ortiq emas
e)	Karta hisobidagi, karta bo‘yicha foydalanish mumkin bo‘lmagan kamaytirilmaydigan qoldiq	yo'q	Karta valyutasi tranzaksiya valyutasidan farq qilgan hollarda, tranzaksiya summasining 1% miqdorida vaqtinchalik blokirovka qilinadi.
f)	Karta hisobiga minimal birlamchi badal	yo'q	Foydalanish mumkin bo‘lgan summa, pasaytirilmaydigan qoldiqni hisobga olgan holda hisoblab chiqariladi.
g)	Karta hisobiga xizmat ko‘rsatish	Komissiya undirilmaydi
h)	Asosiy yoki qo‘shimcha kartani muddatidan avval chiqarish/qayta chiqarish (agar karta egasi kartaning amal qilish muddati tugagunga qadar 2 oy avval murojaat qilgan bo‘lsa)	25 000so’m 2 USD* 2 EUR*
i)	«Kapitalbank» ATB tarmog‘ida «Kapitalbank» ATB Visa kartalari bo‘yicha naqd pul mablag‘larini olish bo‘yicha tranzaksiyalarga ishlov berish	operatsiya summasidan 0%
j)	Boshqa banklarda «Kapitalbank» ATB kartalari orqali naqd pul mablag‘larini olish bo‘yicha tranzaksiyalarni amalga oshirish	3%	Komissiya tranzaksiyaning to‘liq summasidan undiriladi
k)	«Kapitalbank» ATB xizmat ko‘rsatish tarmog‘i ichida va uning tashqarisida tovarlar va xizmatlarga haq to‘lash bo‘yicha tranzaksiyalarni amalga oshirish	Komissiya undirilmaydi
	MSS 6051 boʻyicha “Kapitalbank” ATB kartalari orqali toʻlov amalga oshirilganda	1%
l)	Quyidagilar munosabati bilan kartani qayta chiqarish:
	Yo‘qolganligi (shikastlaganligi);	25 000 so'm
	Karta egasining nomi o‘zgarganligi	2 USD*
	PIN kod almashganligi	2 EUR*
	Kartaning amal qilish muddati almashganligi	Komissiya undirilmaydi	Mijozning karta amal qilish muddati tugashidan bir oy oldin va keyin qilgan murojaati bundan mustasno.
m)	Hisobvaraq va operatsiyalar boʻyicha tekshirish oʻtkazish	Komissiya undirilmaydi
n)	3D Secure xizmatiga ulanish va xizmat ko‘rsatish	Komissiya undirilmaydi	3D Secure xizmatiga ulanishga, faqat mijoz SMS xabarnoma xizmatiga ulanish sharti bilan ruxsat beriladi.
o)	“Kapitalbank” ATB Visa kartalaridan “Kapitalbank” ATB xizmat koʻrsatish bankomatlarida naqd pul mablagʻlarini olish boʻyicha tranzaksiyalarni qayta ishlash	Komissiya undirilmaydi	Milliy va xorijiy valyutalar uchun
p)	"Kapitalbank" ATBning Visa kartalaridan istalgan bankning Visa kartalariga P2P tizimidan foydalangan holda bankning E-POS terminali orqali amalga oshirilgan tranzaksiyalarga ishlov berish	Operatsiya summasining 1% i (kamida 1 AQSh dollari)

Visa kartasi Sizning pullaringiz turadigan hisob kartangizdan foydalanish uchun kalit hisoblanadi. Quyidagi asosiy ehtiyotkorlik choralariga amal qilsangiz, o‘z hisobingizdagi mablag‘larni ruxsatsiz echib olinish xatarini pasaytirishingiz mumkin.

Sizning kartochkangizdan boshqa shaxs foydalana olmasligi uchun, PIN-kod va kartani alohida-alohida saqlang, Pin-kodni kartochkaga yozib qo‘ymang, Pin-kodni boshqa shaxslarga aytmang. Pin-kodni elektron terminal yoki bankomatda terganingizda, kiritilayotgan raqamlar atrofdagilarga ko‘rinmaydigan qilib bajaring.
Karta hisobi bo‘yicha operatsiyalarni vaqti-vaqti bilan tekshirib turing – buni bankdan olingan ko‘chirmalar bo‘yicha, yoki bepul SMS xabar xizmatidan foydalangan holda 2212 qisqa raqamiga tegishli SMS xabar yuborgan holda bajarish mumkin. Shubhali yoki noma’lum tranzaksiyalar aniqlangan hollarda, bu haqida zudlik bilan bankni xabardor qilib qo‘ying. SMS xabar berish buyruqlari bilan shu erda tanishishingiz mumkin -> YO‘RIQNOMA
Kartochkani yo‘qotib (o‘g‘irlatib, oldirib) qo‘ygan bo‘lsangiz, yoki PIN/kod yoki kartochka rekvizit ma’lumotlari uchinchi shaxslarga ma’lum bo‘lib qolgan taqdirda, SMS xabar xizmatidan foydalangan holda, 2212 qisqa raqamiga SMS xabari yuborib, kartani STOP listga qo‘yib qo‘ying, shuningdek zudlik bilan «Kapitalbank» AKB bilan bog‘lanib, og‘zaki yoki yozma shaklda kartangiz yo‘qolganligi haqida xabar bering.
Kartochkangiz bilan tovlamachilik hodisalari sodir bo‘lishiga yo‘l qo‘ymaslik uchun, uni o‘z diqqat markazingizdan chiqib ketishiga yo‘l qo‘ymasdan, operatsiyalarni faqat o‘zingizning ishtirokingizda o‘tkazilishini talab qiling.
Bankomatda naqd pul mablag‘lari olganingizda, bankomat yaxshi yoritiladigan joyga yoki bankning maxsus xonasiga o‘rnatilganligiga ishonch hosil qiling, operatsiyalarni odamlar bo‘lmagan joylarga o‘rnatilgan bankomatalarda bajarmang. Karta ma’lumotlarini hisoblash moslamalarini o‘rnatish uchun namunalar.